Header Ads

උසාවියේ ටයිපිස්ට අතවර කළැයි බණ්ඩාරවෙල මහේස්ත්‍රාත්ගේ වැඩ තහනම්.




මින් ටික දිනකට පෙර ප්‍රකටවූ ‘උසාවිය නිහඬයි‘ වාර්තා චිත්‍රපටය මගින් කියැවුනේ මහේස්ත්‍රාත්වරයෙකු සිරකරුවන්ට ඇප දෙන්නට ඔවුනගේ බිරියන් දූෂණය කරන ලද සංසිද්ධියකි.

මේ කාලයේත් නීතිය පසිඳින අධිකරණ ක්ෂේත්‍රයේ අය නීතියට පටහැනි විවිධ දේ සිදු කරති. තරුණියකට අතවර කිරීමේ සිද්ධියක් නිසා ප්‍රධාන මහෙස්ත්‍රාත් වරයෙකුගේ වැඩ තහනම් කිරීමට අධිකරණ සේවා කොමිෂන් සභාව පෙරේදා තීන්දු කිරිමද එවැන්නකි.

බණ්ඩාරවෙල ප්‍රධාන මහෙස්ත්‍රාත් ධූරය හෙබවූ විශ්වන්ත ප්‍රනාන්දු සිය මහේස්ත්‍රාත් නිල කාමරයේදී එම අධිකරණයේ සේවයේ නිරත යතුරු ලේඛිකාවගේ අතින් ඇද ඇය අසරණභාවයට පමුණුවා අතවර කිරීමට දැරූ බව කියන උත්සාහය මෙයට මුල්වූ සිද්ධියයි.

පසුගිය දෙසැම්බර් මාසයේ අග දක්වා ත්‍රීකුණාමලයේ සේවය කළ බව කියන මෙම ප්‍රධාන මහේස්ත්‍රාත්වරයා බණ්ඩාරවෙල සේවයට පැමිණ ඇත්තේ පසුගිය ජනවාරි 1 වනදාය. ඔහු පැමිණි දා සිට මේ කියන යතුරු ලේඛිකාව දෙස වපරැසින් බලා සිටි බව පැවසුණි.

සතියක් දෙකක් ගතවූ පසු දිනෙක අවස්ථාවක් බලා මෙම අතවර උත්සාහය සිදු කර තිබේ.
සිද්ධියවූ දිනයේ ඇය රාජකාරී කටයුත්තක් සඳහා මහේස්ත්‍රාත්වරයා සිටි කාමරයට ඇතුළුවී තිබෙන අතර එම අවස්ථාවේ කෑගහන්න එපා යයි බියවද්දා කාමරයේ දොර වසා ඇයගේ අතින් ඇද මෙම අතවර උත්සාහය සිදුකර තිබේ.

සිද්ධියෙන් අසරණභාවයට පත්වූ යතුරු ලේඛිකාව පසුව සිද්ධිය අධිකරණ සේවා කොමිසමට සැල කිරීමට තරම් නිර්භීතව  තිබෙන අතර සිද්ධිය යටපත් නොකර පරීක්ෂණ පවත්වන්නට එම නිලධාරීන්ද නිර්භීතවී තිබේ.

පෙරේදා 7 වනදා සිට ප්‍රධාන මහෙස්ත්‍රාත්වරයාගේ වැඩ තහනම් කර තිබෙන අතර ඒ වෙනුවට බණ්ඩාරවෙල මහේස්ත්‍රාත් ධූරයට එන්පී ගුණසේකර මහතා පත්කර තිබේ.

No comments

මෙම පුවත පිලිබඳ ඔබේ අදහසත් ලියන්න.

Powered by Blogger.