Header Ads

මෙලනියා ට්‍රම්ප් අතින් සන්ධ්‍යාට සම්මානයක් | PHOTO


ඇමෙරිකානු රාජ්‍ය ලේකම් දෙපාර්තමේන්තුව විසින් වාර්ෂිකව පිරිනමනු ලබන ජාත්‍යන්තර ධෛර්ය සම්පන්න කාන්තාවට හිමි සම්මානයක් අතුරුදන්ව ඇති මාධ්‍යවේදී ප්‍රගීත් එක්නැළිගොඩ මහතාගේ බිරිඳ වන සන්ධ්‍යා එක්නැළිගොඩ මහත්මියට හිමිවීමට නියමිතය.

ඇමෙරිකානු ජනපති ඩොනල්ඩ් ට්‍රම්ප් මහතාගේ බිරිඳ වන මෙලනියා ට්‍රම්ප් හා ඇමෙරිකානු රාජ්‍ය දෙපාර්තමේන්තුවේ දේශපාලන කටයුතු පිළිබඳ උපලේකම් තෝමස් ඒ ෂැනොනන් මහතා අතින් සන්ධ්‍යා මහත්මියට මෙම සම්මානය පිරිනැමීමට නියමිතය.

මෙවර ලෝකය පුරා තෝරාගත් රටවල කාන්තාවන් 13 දෙනෙකු වෙනුවෙන් මෙම සම්මානය පිරිනැමීමට නියමිත අතර, මානව හිමිකම් ආරක්ෂා කිරීම, යුක්තිය , සාමය හා ලිංගික සමානාත්මතාව වෙනුවෙන් කාන්තාවන් කළ සේවය ඇගයීමට මෙම සම්මානය පිරිනැමේ.

ශ්‍රී ලංකාවේ අතුරුදන්වූවන්ගේ පවුල් වෙනුවෙන් මෙන්ම අතුරුදන්වූ සිය සැමියා වෙනුවෙන් පෙනීසිටිමින් ඇය කළ මෙහෙය ඇගයීමට සන්ධ්‍යා මහත්මියට මෙම සම්මානය ලබාදීමට නියමිතය.

2007 වසරේදී මෙම සම්මානය පළමු වරට හඳුන්වාදුන් අතර, මේ වනවිට රටවල් 60කට ආසන්න ප්‍රමාණයක කාන්තාවන් 100ක් පමණ සම්මානයෙන් පිදුම් ලබා තිබේ. 2010 වසරේදී ශ්‍රී ලංකාවේ ජැන්සිලා මජීඩ් පළමු වරට මෙම සම්මානයෙන් පිදුම් ලැබුවාය.  



No comments

මෙම පුවත පිලිබඳ ඔබේ අදහසත් ලියන්න.

Powered by Blogger.