Header Ads

‘අගමැති කාලගුණ අනාවැකි නොපිළිගන්නවානම් කාලගුණ විද්‍යා දෙපාර්තමේන්තුව වසා දැමිය යුතුයි‘ – අනුර යාපා


අගමැතිවරයා කාලගුණ විද්‍යා දෙපාර්තමේන්තුවේ අනාවැකි නොපිළිගන්නවානම් සහ ජෝන් අමරතුංග ඇමැතිවරයා කාලගුණ අනාවැකි විහිළුවට ලක් කරනවානම් කාලගුණ විද්‍යා දෙපාර්තමේන්තුව වසා දැමිය යුතු යැයි ආපදා කළමනාකරණ අමාත්‍ය අනුර ප්‍රියදර්ශන යාපා මහතා පැවසීය.

අගමැතිවරයා කාලගුණ අනාවැකි නොපිළිගන්නා බව පැවසූ බවත් ජෝන් අමරතුංග ඇමැතිවරයා ඒවා විහිළුවට ලක් කරන බවත් කියමින් මාධ්‍යවේදියකු නැගූ පැනයකට පිළිතුරු දෙමින් ආපදා කළමනාකරණ ඇමැතිවරයා එසේ කීවේය.

අගමැතිවරයා එවැන්නක් ප්‍රකාශ නොකළ බවත් ඔහු කියා ඇත්තේ කාලගුණ අනාවැකිවල අඩුපාඩු ඇති බව පමණක් බවත් අද(31) පැවැති කැබිනට් තීරණ දැනුම්දීමේ ප්‍රවෘත්ති සාකච්ඡාවට පැමිණ සිටි රජයේ ප්‍රවෘත්ති අධ්‍යක්ෂ ජනරාල් ආචාර්ය රංග කලංසූරිය මහතා පැවසීය.

මේ අතර අනතුරුදායක කාලගුණික තත්ත්වයකදී ජනතාව නිවෙස්වලින් ඉවත් කරවීම සඳහා දැඩි නීති සම්පාදනය කළ යුතු යැයි ද ආපදා කළමනාකරණ ඇමැතිවරයා එහිදී කියා සිටියේය.

No comments

මෙම පුවත පිලිබඳ ඔබේ අදහසත් ලියන්න.

Powered by Blogger.