Header Ads

ද්විත්ව පුරවැසිභාවය හිමි දේශපාලකයෝ මෙන්න – පළමු තැන රාජපක්ෂ පවුලට!


ශ්‍රී ලංකාවේ දේශපාලනයේ නියුතු පුද්ගලයින් රැසකට ද්විත්ව පුරවැසිභාවය තිබෙන බව පසුගිය සතිය පුරාවටම කතාබහට ලක්වූ කරුණකි. එයට හේතුව ගීතා කුමාරසිංහ මහත්මිය ද්විත්ව පුරවැසිභාවය සහිත අයෙකු නිසා ඇය පාර්ලිමේන්තු මන්ත්‍රීධූරය දැරීමට නුසුදුසු බව අභියාචනාධිකරණය විසින් තීරණය කිරීම නිසාය.

දැනට ශ්‍රී ලංකාවේ පදිංචිව සිටින ද්විත්ව පුරවැසිභාවය සහිත දේශපාලකයින් සහ ඔවුන්ගේ පවුල්වල සාමාජිකයින් කවුද?

ශ්‍රී ලංකාවේ වැඩිම දැනට වැඩිම ද්විත්ව පුරවැසියන් සිටින පවුල වනුයේ රාජපක්ෂ පවුලයි.

රාජපක්ෂ පවුලේ සහෝදරයින් තුන් දෙනෙකුට සහ ඔවුන්ගේ පවුල් වල සාමාජිකයින් රැසකට ද්විතව පුරවැසිභාවය හිමිය. ඒ අතරින් බැසිල් රාජපක්ෂ මහතා එම මහත්මිය සහ දරුවන් යන සියලූම දෙනාට ඇමරිකාවේ ද්විතව පුරවැසිභාවය හිමි අතර එරට ඔවුන්ට විශාල වත්කම් ප්‍රමාණයක්ද හිමිය.

ගෝඨාභය රාජපක්ෂ මහතා, එම මැතිණිය සහ දරුවන්ද ඇමරිකාවේ ද්විත්ව පුරවැසියන් වන අතර පසුගිය සමයේ ඔවුන්ගේ ආරක්ෂාව සඳහා විශේෂ බලකායේ නිලධාරීන් ඇමරිකාවේ සේවයේ යොදවා තිබූ බව අනාවරණය වී තිබේ. ඔවුන්ටද ඇමරිකා එක්සත් ජනපදයේ වත්කම් රැසක් හිමිය.

මහින්ද රාජපක්ෂ මහතාගේ බාලම සහෝදරයා වන ඩඩ්ලි රාජපක්ෂද ඇමරිකා එක්සත් ජනපදයේ පුරවැසිභාවය හිමි පුද්ගලයෙකි. ඔහුගේද පවුලේ සියලූම දෙනාට ද්විත්ව පුරවැසිභාවය හිමිය.

රාජපක්ෂ පවුලේ දේශපාලනයට සම්බන්ධ හා සම්බන්ධ නැති තවත් බොහෝ දෙනෙකු අවස්ථා කිහිපයකදී විවිධ රටවල ද්විත්ව පුරවැසිභාවය ඉල්ලුම් කර තිබෙන බවටද අනාවරණය වී තිබේ.

රාජපක්ෂ පවුලට පසුව වැඩිම ද්විත්ව පුරවැසියන් සංඛ්‍යාවක් සිටින්නේ උදය ගම්මන්පිල මහතාගේ පවුලේය. ඔහුගේ පවුලේ මව, පියා සහ සහෝදරිය ඇමරිකාවේ ද්විත්ව පුරවැසියන් වන අතර ගම්මන්පිලගේ බිරිඳට සහ දරුවාට ඕස්ට්‍රේලියාවේ පුරවැසිභාවය හිමිය.

උදය ගම්මන්පිලද ඕස්ට්‍රේලියානු පුරවැසියෙකු වන අතර පසුව ඔහු එම පුරවැසිභාවය ඉවත්කරගෙන තිබේ.

විදේශික කාන්තාවක් සමඟ විවාහ වීම නිසා අමාත්‍ය මහින්ද සමරසිංහ මහතාටද ස්විස්ටර්ලන්තයේ පුරවැසිභාවය හිමිවී තිබේ. ශ්‍රී ලංකාව නියෝජනය කරමින් එක්සත් ජාතීන්ගේ සංවිධානය තුල රට වෙනුවෙන් කල අනුපමේය මෙහෙවර සළකා විදේශ රටවල් ගණනාවකින් ඒ රටවල ආයතන සමඟ එක්ව එම රටවල පුරවැසිභාවය ලබාගෙන ඉහළ වැටුපකට සේවය කරන ලෙස ඉල්ලීම් පැමිණියද මහින්ද සමරසිංහ අමාත්‍යවරයා එම ඉල්ලීම් බැහැරකරමින් ශ්‍රී ලංකාවේ දේශපාලනයේ යෙදෙන අතර ඔහු රටට අන්තර්ජාතික වශයෙන් අත්කර දි ඇති සේවය ඉමහත්ය.

බටහිර රටවල් බිල්ලන් ලෙස මවා පාමින් රට ජාතිය සුරකින බවට කටුනායක කොන්ක්‍රීට් ඉඹින රාජපක්ෂලා සහ ඔවුන්ගේ සට්ටැඹිරාළලා වන ගම්මන්පිලලාගේ පවුල් පිටින් ජීවත්වනුයේ විදේශ රටවලය. එසේම රටේ නායකත්වයට එන්නට වළි කන ගෝඨාභය රාජපක්ෂට කිසි දිනක මෙරට මැතිවරණයකට ඉදිරිපත් විය නොහැකි ලෙස ඇමරිකානු පුරවැසියෙක්ය.

ගෝඨාභයලා බැසිල්ලා පුරවැසිභාවය ලබාගන්නේ ලොව කොතන සිටියද දෙවියන් වහන්සේගේ නාමයෙන් එක්සත් ජනපදය සුරකින බවට බයිබලය මත අත තබා දිවුරා බව බොහෝ දෙනෙකු නොදනී.

මෙරට දේශපාලනයට මෙවන් චරිත අවැසිද යන්න රටේ ජනතාව බුද්ධිමත්ව සිතා බැලියයුතු වැදගත් කරුණකි.

No comments

මෙම පුවත පිලිබඳ ඔබේ අදහසත් ලියන්න.

Powered by Blogger.