Header Ads

කාන්තාවන් දෙදෙනෙකු කපා කොටා ඝාතනය කරයි – එක් කාන්තාවක් ගැබිණියක් (PHOTOS)


තියුණු ආයුධයකින් පහර දී කාන්තාවන් දෙදෙනෙකු ඝාතනය කර තිබෙනවා.

ඒ හම්බන්තොට – හුංගම – ගුරුපොකුණ ප්‍රදේශයේදීයි.

පොලීසිය සඳහන් කළේ හදිසි දුරකථන ඇමතුමකට ලද තොරතුරක් අනුව අදාළ ඝාතනය පිළිබඳ තොරතුරු ඊයේ (02) දහවල් සොයා ගත් බවයි.

වයස අවුරුදු 72 හැවිරිදි කාන්තාවක් සහ ඇගේ 32 හැවිරිදි දියණිය මෙලෙස ඝාතනයට ලක්ව ඇත්තේ ඔවුන් පදිංචිව සිටි නිවස ආසන්නයේදියි.

නිවසේ සිටි මහළු මවක් හා තරුණ ගැබිණි කාන්තාවකුයි මෙලෙස නිවස තුළදීම තියුණු ආයුධවලින් කපා කොටා මරා දමා  ඇත්තේ.

නිවසේ අල්මාරිවල රෙදි පිළි අතුළු සියල්ල ඇද දමා  ඇති බවද පොලිසිය පැවසුවා.

මිය ගිය මව සූරියවැව ප්‍රාදේශීය සෞඛ්‍ය සේවා අධ්‍යක්ෂ වෛද්‍ය කාරියවසම්ගේද මව බවයි පොලිසිය සඳහන් කළේ.

මිය ගිය දියණියගේ ස්වාමිපුරුෂයා හම්බන්තොට කාර්මික විද්‍යාලයේ පාඨමාලාවකට ගොස්  සිටි අතර  නිවසට පැමිණි අවස්ථාවේ ඉදිරිපස දොර ඇර තිබු බවත්, නිවසට ඇතුල් වි බලන විට තම බිරිඳ හා මව ඝාතනය කර ඇති බව දුටු බවත් ගැබිණි කාන්තාවගේ ස්වාමිපුරුෂයා වන ජයසිංහ කෝරලේ ආරච්චිගේ සම්පත් යන අය පොලිසියට පවසා තිබෙනවා.








No comments

මෙම පුවත පිලිබඳ ඔබේ අදහසත් ලියන්න.

Powered by Blogger.