Header Ads

අයර්ලන්තයටත් ප්‍රථම වරට සමලිංගික අගමැතිවරයෙක්


අයර්ලන්තයේ ෆයින් ගේල් පක්ෂයේ නායකත්වය දිනාගැනීමත් සමගම අයර්ලන්තයේ නව අගමැතිවරයා ලෙස ලියෝ වෙරඩ්කාර් පත්වනු ඇති බවත්, ඔහු රටේ පළමු වැනි සමලිංගික අගමැතිවරයා බවට පත්වනු ඇති බවත් විදෙස් වාර්තා පවසයි.

ඉන්දීය සම්භවයක් ඇති 38 හැවිරිදි වියේ පසුවන ලියෝ පක්ෂ නායකත්වය සඳහා වූ තරගයේදී නිවාස අමාත්‍යවරයා ලෙස කටයුතු කළ සයිමන් කොවෙනි අභිභවා ඉහළ ඡන්ද ප්‍රතිශතයක් ලබා තිබුණු අතර, මේ ජයග්‍රහණයත් සමගම ඔහුට රටේ ළාබාලතම අගමැතිවරයා වීමටත් අවස්ථාවක් උදාවී තිබේ.

ෆයින් ගේල් පක්ෂය අයර්ලන්තයේ විශාලතම ඒකාබද්ධ සන්ධානය ලෙස සැලකෙන අතර, ඔහු මෙම තරගයේදී මධ්‍ය දක්ෂිණාංශික පක්ෂයේ එන්ඩා කෙනී ද අභිභවමින් පැමිණියේය.

අයර්ලන්ත හෙදියකට හා ඉන්දියාවෙන් පැමිණි වෛද්‍යවරයෙකුට දාව උපන් ලියෝ මාධ්‍ය ඉදිරියේ වඩාත්ම කතාබහට ලක්ව තිබුණේ ඔහුගේ පවුල් පසුබිම, වයස මෙන්ම පෞද්ගලික ජීවිතය සම්බන්ධයෙනි.

මගේ පියා සැතපුම් 5,000ක් දුර ගෙවාගෙන පැමිණි අලුත් නිවහනක් අයර්ලන්තයේ ඉදිකරන විට, ඔහුගේ පියා ඒ රටේ නායකයා වනු ඇති බව ඔහු කවදාවත් නොහිතන්නට ඇති යනුවෙන් ලියෝ පක්ෂ නායකත්වයට තේරීපත් වීමෙන් පසුව කියා සිටියේය.

2015 වසරේදී සමලිංගික අයිතීන් වෙනුවෙන් පැවති ජනමතවිචාරණය සමග කරළියට පැමිණි ලියෝ, රට තුළ සුබසාධන පද්ධතියක් ක්‍රියාත්මක කිරීම වෙනුවෙන්ද ප්‍රමුඛව කටයුතු කළ අයෙකි. 

No comments

මෙම පුවත පිලිබඳ ඔබේ අදහසත් ලියන්න.

Powered by Blogger.