Header Ads

CV විග්නේෂ්වරන්ට විශ්වාසභංගයක්! – එරෙහිව 38 න් 21 ක්

උතුරු පළාත් ප්‍රධාන අමාත්‍ය සී වී විග්නේෂ්වරන් ධුරයෙන් ඉවත් කරන්නැයි ඉල්ලා පළාත් සභා මන්ත්‍රීවරුන් 21 දෙනෙකුගේ අත්සනින් යුත් විශ්වාසභංග යෝජනාවක් භාරදී තිබෙනවා.

පළාත් ආණ්ඩුකාර රෙජිනෝල්ඞ් කුරේ වෙත ඊයේ (14) රාත්‍රියේ මෙම විශ්වාසභංග යෝජනාව භාරදී ඇති බවයි අප වාර්තාකරු පැවසුවේ.

උතුරු පළාත් සභා අමාත්‍යවරුන්ගේ වංචා, දූෂණ සෙවීමට පත් කළ කමිටුවේ නිර්දේශ මත පළාත් අධ්‍යාපන අමාත්‍යවරයාට හා කෘෂිකර්ම අමාත්‍යවරයාට ධුරයෙන් ඉල්ලා අස්වන ලෙස ප්‍රධාන අමාත්‍යවරයා ඊයේ නියෝග කර තිබුණා.

එමෙන්ම පළාත් සෞඛ්‍ය අමාත්‍යවරයාට සහ ධීවර අමාත්‍යවරයාට මසක කාලයක් නිවාඩු ලබා ගන්නා ලෙසටයි ප්‍රධාන අමාත්‍යවරයා උපදෙස් දී තිබුණේ.

අමාත්‍යවරුන් 21 දෙනෙකු එක්ව ප්‍රධාන අමාත්‍ය සී වී විග්නේෂ්වරන්ට එරෙහිව මෙලෙස විශ්වාසභංග යෝජනාවක් ඉදිරිපත් කර ඇත්තේ ඉන් අනතුරුවයි.

ඒ අනුව උතුරු පළාතේ මීළග ප්‍රධාන අමාත්‍යවරයා ලෙස පළාත් සභාවේ වත්මන් සභාපති සී වී කේ සිවඥාණම් පත් කරන ලෙසද අදාළ මන්ත්‍රී කණ්ඩායම ආණ්ඩුකාරවරයා වෙත යෝජනා කර තිබෙනවා. උතුරු පළාත් සභාවේ සිටින සමස්ත මන්ත්‍රීවරුන් සංඛ්‍යාව 38ක්.




No comments

මෙම පුවත පිලිබඳ ඔබේ අදහසත් ලියන්න.

Powered by Blogger.