Header Ads

ආණ්ඩුවේ දූෂණ මර්දනය අහෝසි වෙයි – අගමැති තවමත් නිහඬයි


පසුගිය ජනාධිපතිවරණයෙන් මෛත්‍රීපාල සිරිසේන මහතා ජය ගැනීමෙන් පසු අගමැති ලේකම් කාර්යාලය යටතේ පිහිටුවා තිබූ වංචා දූෂණ විමර්ෂණය කිරීමේ කමිටු ලේකම් කාර්යාලය පසුගිය ජුනි 30වනදායින් අවසන් වූ නමුත් එම ආයතනය සම්බන්ධයෙන් ආණ්ඩුවේ ස්ථාවරය ප්‍රකාශ කිරීමට අග්‍රාමාත්‍යවරයා මෙතෙක් කටයුතු කර නැත.

වංචා දූෂණ විමර්ෂණය කිරීමේ කමිටු ලේකම් කාර්යාලයේ කාලය පසුගිය දෙසැම්ර් 30වනදායින් අවසන්වීමට නියමිතව තිබියදී එයට එරෙහිව විවිධ පාර්ශව විසින් මාධ්‍ය ඔස්සේ සිදුකළ ප්‍රශ්නකිරීම් හමුවේ තවත් මස 06කින් එහි කාලය දීර්ඝ කළ අතර ඊට අමතරව අගමැතිවරයා විසින් මෙම ආයතනය සම්බන්ධයෙන් ගන්නා ඉදිරිපියවර සම්බන්ධයෙන් තීරණය කිරිම සඳහා කමිටුවක් පත් කළ බවද මාධ්‍ය නිවේදනයක් හරහා මාධ්‍ය දැනුවත් කර තිබිණි. එවැනි කමිටුවක් පත් කර නැතැයි එකළ විවිධ මාධ්‍ය ඔස්සේ වාර්තාද පල විය.

කෙසේ නමුත් මේ වනවිට වංචා දූෂණ විමර්ෂණය කිරීමේ කමිටු ලේකම් කාර්යාලය වසා දමා දින 03ක් ගතව ඇතත් අගමැතිවරයා විසින් පත් කළ කමිටුවේ තීරණ කිසිවක් ප්‍රකාශයට පත් කර නැත.

අගමැතිවරයා යටතේ පවතින එම ආයතනය ස්වභාවිකවම වැසීයන තත්වයට පත්වීමට පෙර එහි කටයුතු නිළ ලෙස අවසන් කිරීමේ හෝ පවත්වාගෙන යාමමේ අවශ්‍යතාවය පෙන්නුම් කරණ කුමණ හෝ තීරණයක් අදාල කමිටුව විසින් ගතයුතුව තිබූ නමුත් මෙතෙක් එවැනි තීරණයක් ප්‍රකාශයට පත් නොවීම තුළින් අනාවරණය වන්නේ මීට පෙර මාධ්‍ය වාර්තා පල වූ ආකාරයට එවැනි කමිටුවක් අගමැතිවරයා විසින් පත් කළ බවට ප්‍රකාශ කිරීම ජනතා විරෝධය මැඩ පැවැත්වීමට අරභයා සිදු කර ඇති කූඨ උපක්‍රමයක් විය.

වංචා දූෂණ විමර්ෂණය කිරීමේ කමිටු ලේකම් කාර්යාලය ජුනි මස අවසන් වනවිට වත්මන් ආණ්ඩුවේ මැති ඇමතිවරු සම්න්ධයෙන් ලැබුණු පැමිණිලි ගැන විමර්ෂණ කටයුතු සිදු කරමින් පැවති අතර පසුගිය මහින්ද රාජපක්ෂ ආණ්ඩුව සම්න්ධයෙන් පැමිණි පැමිණිලි  මූලික විමර්ශණ අවසන් කර අදාළ අංශ වෙත යොමු කර තිබිණි.

පොලිස් මූල්‍ය අපරාධ විර්ශණ කොට්ඨාශය, වංචා හෝ දූෂණ විමර්ශනය කිරීමේ කොමිසම, නීතිපති දෙපාර්තමේන්තුව, වංචා දූෂණ විමර්ශනය කිරීමේ ජනාධිපති කොමිසම ආදී අංශවෙත යොමු කර ඇත.

මේ වනවිට වත්මන් ආණ්ඩුවට හිතවාදීව අදාළ මූලික විමර්ශන සිදු කළහැකි ආකාරයට විශේෂයෙන් වත්මන් ආණ්ඩුවට හිතවත් පිරිසක් සමග නව මුහුණුවරකින් එම ආයතනය ආරම්භ කිරීමේ උත්සාහක, අගමැතිවරයා නිරතව ඇතැයිද වාර්තා වේ.

No comments

මෙම පුවත පිලිබඳ ඔබේ අදහසත් ලියන්න.

Powered by Blogger.