Header Ads

වසර 14000 ක් පැරණි පාන් ගෙඩියක් ජෝර්ධානයෙන්

වසර 14 000 ක් අතීතයට දිවෙන පැරණිම පාන් පිලිස්සීමක් පිළිබඳ තොරතුරු පුරා විද්‍යා කැණීම් භූමියකින් අනාවරණය කර ගැනීමට විද්‍යාඥයන් සමත්වී තිබේ.

එය පැතලි පාන් (flat bread) හැඩය ගන්නට ඇති අතර, එහි රස විවිධ ධාන්‍ය යොදා වර්තමානයේ සකස් කරන පාන් (multi-grain bread) රසට සමානවන්නට ඇති බව ඔවූහු විශ්වාස කරති.

"අපේ මුතුන්මිත්තන් පුච්චන ලද මස් එතීමට (wrap) පාන් පාවිච්චි කරන්නට ඇති. ඒ හේතුව නිසා මෙය පැරණිම පාන්ගෙඩිය වනවා සේම පැරණිම සැන්ඩ්විචයත් වෙනවා."

ජෝර්දාන කලු කාන්තාරයෙන් (Black Desert) කළ මෙම සොයා ගැනීමත් සමග පාන් නිෂ්පාදනයේ මුල් යුගය ගැන සොයාගෙන ඇති සාක්ෂිවලට වඩා තවත් වසර 5 000 ක් පමණ අතීතයට තල්ලුවනවා.

ප්‍රාග් ඓතිහාසික යුගයේ මිනිසා කැළෑ තිරිඟු සහ බාර්ලිවලට කුඩු කරන ලද ශාක මුල් මිශ්‍රකර ජලය සමග මිශ්‍රකර පසුව පුළුස්සා ආහාරයට ගෙන තිබේ.

"සැබෑ ආහාර පිසීමක් ලෙස ඇත්තටම අපට කිව හැකි පැරණිම සාක්කිය මෙයයි. ඒක මිශ්‍ර ආහාර නිෂ්පාදනයක්," ලන්ඩනයේ University College හි මහාචාර්ය ඩොරියන් ෆුලර් බීබීසී ප්‍රවෘත්ති සේවයට පැවසීය.

පාන් සොයාගත් කලාපයේ ඇති ධාන්‍ය වර්ගවල සාම්පල ලබාගන්නා පර්යේෂකයන්.
පාන් දීර්ඝ කාලයක් තිස්සේ මිනිසාගේ ප්‍රධාන ආහාරයේ කොටසක්වී තිබිණි. නමුත් පාන්වල බිහිවීම පිළිබඳව අප දන්නේ ඉතා අල්ප වශයෙනි.

මෙතෙක් පාන් නිෂ්පාදනය සම්බන්ධයෙන් පැවති පැරණිම සාක්ෂි තුර්කියෙන් ලැබී තිබූ අතර, එම සොයා ගැනීම් වසර 9 000 ක් පමණ පැරණි විය.

විද්‍යාඥයෝ මෙම පුරා විද්‍යා බිමෙහි විශාල කවාකාර ගල් උදුන් සහිත ගොඩනැගිළි දෙකක් සොයා ගැනීමට සොයා ගැනීමට සමත්වූහ.
BBC



No comments

මෙම පුවත පිලිබඳ ඔබේ අදහසත් ලියන්න.

Powered by Blogger.