Header Ads

ලංකාවට ගේන හෙරොයින් වල කළවමට දාන මිනි ඇට කුඩු ජාවාරම

කුඩු හෙවත් හෙරොයින් ලංකාවම වෙලාගත් මහා පිළිලයක් වෙලා අවසන්.මේ කුඪ්ඩන් හා කුඩු අලෙවි කරුවන්ගේ නවතම සොයා ගැනීම මිණී ඇටකටු කුඩු මිශ්‍ර කළ හෙරොයින්.


මෙම කතාව පටන් ගන්නෙ වෙන්නෙ දිවයිනේ සුප්‍රසිද්ධ  මල් ශාලාවක එම්බාම් කරුවාගෙන් මේ ඔහුගේ වදන්,  අපේ අතේ නෙවෙයි ලොක්කා වැඩේ තියෙන්නෙ.අපි ගේම පාස් කරනවා විතරයි. 

අපිට තියෙන්නෙ මැරුණ කෙනාගෙ වයස, ආදාහනය කරන තැන හරියටම කියන එක විතරයි.කෑලලකට 500. භූම දානය කරන කෑලිවලින් වැඩක් නෑ. 

විස්තර හරියටම දුන්නාම ඒ අය කියනවා හරියටම පෝමලින් ගහන්න ඕනෙ මාත්‍රාව. සුදු ඇට වලට වදින්නම පෝමලින් මාත්‍රාව  දෙන එකයි අපිට තියෙන්නේ. ඒ අය වැඩේ ගානට සෙට් කරනවා.එතනින් එහාට තියෙන්නේ ආදාහනාගාරයේ අයගෙ වැඩ ටික.

මේ තියෙන්නේ එයාලගෙ වැඩ ටික,

මිනියක් පුලුස්සද්දි  ගෑස් යන්නෙ එකම ප්‍රමාණයක්.හොදින් වැඩුන කෙනෙක් පුලුස්සන්න ගෑස් කිලෝ 7/8 ක් යනවා. ඒත් ගෑස් බැලන්ස් කරන එක ආදාහනාගාර සේවකයන්ගෙ පුරුද්දක්. 

මිනිය බාගෙට පිලිස්සුනාට පස්සෙ ආදාහනාගාරෙ මේසෙ උඩට අරන් මිනිය කෑලි වලට කඩනවා, ඉන් පස්සෙ පිලිස්සෙන්න දාපුවම ඉක්මනින් පිලිස්සෙනවා, එතනදි ගෑස් කිලෝ දෙකක් විතර ඉතිරි කර ගන්න පුලුවන්. 

මිනී 4/5 පුච්චන්න එන දවසට බර ලොකු ඇට පුච්චන්නෙ නැතිව එලියෙ වලකට දාල වහනවා.නැත්තන් ගෑස් බැලන්ස්  කර ගන්න එක පාර පුච්චලා දානවා. ඔන්න එතනදි තමයි අර කුඩු කාරයෝ ටික එන්ටර් වෙන්නෙ. 

පුච්චන භාෂාවෙන් ඒවට කියන්නෙ සුදු ඇට කියලා. ඒ ඇට හරියට පිච්චුනාම හෙරොයින්ම තමයි. පෝමලින් පදමට වැදිල තියෙන නිසා හෙරොයින් වලට වඩා පවර්. 

ලංකාවට ගේන හෙරොයින් වල කළවමට දාන්නේ ඒ කුඩු තමයි. ලංකාවෙ කා ගාව තිබිලා හෙරොයින් කිලෝ එකක් ඇල්ලුවත් රස පරීක්ෂණ  වාර්තාවෙදි මිලිග්රැම්   ගානින් වාර්තා වලට එන්නෙ ඔය හේතුවෙන් තමයි. නඩුව ඉවරයි.බඩු හාමුදුරුවන්ගේම තමයි.

මේ පසුගිය ඉරිදා මවුබිම පුවත් පතේ පල වූ ලිපියක් අනුසාරයෙන් ලීව සටහනක්.තව දුරටත්  විස්තර ඇවැසි නම් 2016.10.16 මවුබිම පුවත් පත කියවන්න.

පසු වදනක් ලෙස කියන්න දෙයක් නෑ.ඔබම තීරණය කරන්න.මේ අපේ රට.අපේ ජාතිය,අපේ මිනිස්සු

සටහන
අරුණ දිසානායක
(මවුබිම පුවත්පත ඇසුරිනි)
උපුටා ගැනිමකි 

No comments

මෙම පුවත පිලිබඳ ඔබේ අදහසත් ලියන්න.

Powered by Blogger.